Með átakinu vill UN Women á Íslandi taka þátt í því alþjóðlega átaki UN Women og UN Global Compact, að hvetja fyrirtæki til þess að styðja Jafnréttissáttmálann í verki.
Átakið er mikilvægur liður í því að ná Þúsaldarmarkmiðum Sameinuðu þjóðanna og hafa um 300 fyrirtæki undirritað sáttmálann frá því að hann var kynntur fyrst í mars 2010
Hér fyrir neðan eru helstu atriði Jafnréttissáttmálans á íslensku.
Nálgast má sáttmálann hér á ensku, Women's Empowerment Principles - Equality Means Business.
1. Stuðla að jafnrétti kynjanna.
■ Stjórn fyrirtækisins styður við jafnréttismál og beitir sér fyrir því að jafnrétti kynjanna og mannréttindi séu virt í fyrirtækinu.
■ Starfsmannastefna fyrirtækisins fjallar sérstaklega um jafnréttismál og tekur á því hvernig er markvisst hægt að vinna að jafnréttismálum. Hluti af árangursmati stjórnanda felst í því að meta árangur þeirra í jafnréttismálum.
■ Tekið er mið af jafnréttismálum kynjanna í allri stefnumótun fyrirtækisins, áætlunum og við framkvæmd verkefna.
■ Kynjuð áhrif eru tekin til greina við stefnumótun og framkvæmd verkefna. Stjórnendur eru meðvitaðir um að verkefni geta haft ólík áhrif á konur og karla. Unnið er að því að fyrirtækjamenningin styðji við jafnrétti.
2. Jöfn tækifæri til vinnu
■ Fyrirtækið líður ekki launamun kynjanna og greiðir konum og körlum sömu laun fyrir sömu vinnu.
■ Starfsmannastefna og verklag eru laus við kynjaða mismunun.
■ Ráðningaferli er án kynjamismununar. Tekið er frumkvæði í ráðningu kvenna í stjórnunar- og framkvæmdastöður sem og í stjórn fyrirtækisins.
■ Fullnægjandi þátttaka kvenna – 30% eða hærri – er tryggð eftir fremsta megni í öllum ákvarðanatökum.
■ Fyrirtækið býður upp á sveiganlega atvinnumöguleika; og býður launþegum að ganga í sömu stöður með sömu launum eftir tímabundið leyfi.
■ Starfsfólki, bæði konum og körlum, eru veittar upplýsingar um þjónustu og úrræði varðandi leikskóla.
3. Heilsa, öryggi og ofbeldislaus vinnustaður
■ Tekið er tillit til ólíkra heilsufarsáhrifa á kynin. Boðið er upp á öruggt starfsumhverfi og vernd frá áhrifum hættulegra efna. Veittar eru upplýsingar um mögulega áhættu, þar með talið ef áhættu er á skaðsemi kynheilbrigðis starfsmanna.
■ Samkvæmt stefnu fyrirtækisins er ekkert ofbeldi liðið á vinnustaðnum; hvort sem um ræðir andlegt, líkamlegt eða kynferðislegt.
■ Kappkostað er við að bjóða upp á nauðsynlega þjónustu fyrir þolendur heimilisofbeldis.
■ Réttur kvenna og karla til veikindaleyfis og ráðgjafaþjónustu er virtur, hvort sem er fyrir þau sjálf eða fjölskyldumeðlimi þeirra.
■ Haft er samráð við starfsmenn þegar úttektir varðandi öryggismál eru gerðar í fyrirtækinu.
■ Verkstjórar og öryggisverðir í að þekkja merki um ofbeldi gegn konum og skilja stefnu og reglur fyrirtækisins gegn mansali, vinnu og kynferðislegri misnotkun.
4. Menntun og þjálfun
■ Fyrirtækið leggur metnað, fé og tíma í að greina tækifæri til að auka framgang kvenna á öllum stigum og sviðum fyrirtækisins og hvetur konur til þátttöku í störfum sem teljast hefðbundin karlastörf.
■ Tryggður er jafn aðgangur kynjanna að öllum endurmenntunar- og fræðslunámskeiðum á vegum fyrirtækisins.
■ Konum og körlum eru veitt jöfn tækifæri að formlegum og óformlegum námskeiðum og tenglsamyndunum.
■ Fyrirtækið lítur jákvæðum augum á viðskiptahugmyndir sem ýta undir valdeflingu kvenna og styður við jákvæð áhrif þátttöku kvenna, jafnt sem karla.
5. Fyrirtækjaþróun sem ýtir undir aukna þátttöku kvenna
■ Fyrirtækið styður aukin viðskiptatengsl við fyrirtæki í eigu kvenna, þar með talið lítil fyrirtæki og konur í nýsköpun.
■ Styðjið við lausnir sem hafa jafnrétti að sjónarmiði í reiknings- og lánafyrirstöðum.
■ Fyrirtækið fer fram á það við viðskiptafélaga að virða skuldbindingu fyrirtækisins við eflingu jafnréttis og þátttöku kvenna.
■ Konum er sýnd virðing í allri markaðssetningu og öðru kynningarefni fyrirtækisins.
■ Tryggt er að vörur fyrirtækisins, þjónusta þess og aðstaða er ekki notuð til mansals og/eða þrælkunarvinnu eða kynferðislegrar misnotkunar.
6. Forysta í samfélagslegri ábyrgð
■ Fyrirtækið vill vera öðrum fyrirtækjum fyrirmynd í jafnréttismálum og valdeflingu kvenna.
■ Fyrirtækið hvetur viðskiptavini, birgðarsöluaðila og annað valdamikið fólk í samfélaginu til samfélagslegrar ábyrgðar og stuðning við jafnréttismál.
■ Vinnur með hagsmunaðilum í samfélaginu, hinu opinbera og öðrum við að útrýma mismunun og misnotkun, og skapar tækifæri fyrir konur og stúlkur.
■ Eflir og viðkennið forystu og framlög kvenna til samfélagsins og tryggir fullnægjandi þátttöku kvenna í öllu samráði um samfélagsmál.
■ Notar styrktarsjóði til þess að styðja við mannréttindi og jafnréttismál.
7. Gagnsæi, aðgerðir og upplýsingaskylda
■ Birtir opinberlega jafnréttisstefnu fyrirtækisins og framkvæmdaráætlun varðandi stuðning við jafnrétti kynjanna.
■ Fyrirtækið hefur sett sér viðmið sem mæla þátttöku kvenna á öllum stigum fyrirtækisins.
■ Fyrirtækið beitir kynjaðri greiningu á til þess að mæla framvindu jafnréttismála innan fyrirtækisins.
■ Upplýsingar um framgang jafnréttisstefnunnar eru gerðar opinberar.
Nálgast má frekari upplýsingar á vefsíðu UN Global Compact.
Íslensk fyrirtæki sem skrifað hafa undir Jafnréttissáttmálann
Landsbankinn, Byr, N1, Lyfja, VÍS, Íslandsbanki, Deloitte, Marel, Alcan á Íslandi, Landsvirkjun og Kaffitár.
