Þriðjudagur, 19. október 2010 12:32 Vefstjóri

Stjórn er skipuð 9 stjórnarmönnum og 2 varamönnum og er stjórn kosin til eins árs í senn á aðalfundi félagsins sem skal haldinn fyrir 1. maí ár hvert. Allir félagar landsnefndar eiga rétt á setu á aðalfundi og hefur hver félagsmaður eitt atkvæði.

Allir félagar sem greitt hafa félagsgjöld fyrir liðið starfsár tveimur vikum fyrir aðalfund hafa kosningarétt á aðalfundi. Einfaldur meirihluti atkvæða ræður úrslitum. Nú verða atkvæði jöfn og ræður þá hlutkesti úrslitum.

Framboði til formanns og stjórnar skal skila til skrifstofu landsnefndar fyrir kl. 12 þremur virkum dögum fyrir aðalfund. Aðalfundur skal boðaður með skriflegum hætti til félagsmanna með a.m.k. 14 daga fyrirvara.Formaður er kosinn í sérstakri kosningu á aðalfundi. Stjórn skal á fyrsta fundi sínum skipa varaformann og gjaldkera. Stjórnin fer með málefni félagsins milli aðalfunda, gerir· starfsáætlun, veitir prókúru fyrir félagið og skipar í starfsnefndir.

Stjórn fundar að jafnaði 9 sinnum á ári. Halda skal stjórnarfund krefjist einhver stjórnarmanna þess.